Arquivos da categoria: Actas

Follow

A AAO reuniuse o 20 de setembro e falaron disto:

• Aprobaron a acta da reunión anterior, acordouse apopiar e difundir a convocatoria do 25S, algúns irán a Madrid, inforomuse dunha iniciativa semellante en Compostela, “Ocupa o Parlamento”, tamén se informou que non hai buses dende Vigo.
• Noutro punto falouse de realizar un plebiscito a pé de rúa sobre os recortes, como non había máis información deixouse o tema para outra asemblea.
• Sobre a recollida de sinaturas para a ILP sobre a dación en pagamento informouse de que a AAO xa está inscrita como entidade oficial colaboradora. Hai consenso e un alto nivel de implicación nesta cuestión. Seguiranse recollendo sinaturas durante setembro e outubro para entregalas. Faise un chamamento á participación neste proceso. Presentouse por rexistro no concello de Ourense unha solicitude de moción para que se apoie esta ILP. Tamén, a instancia da AAO, o alcalde de Manzaneda presentou a mesma moción en todos os Concellos de Galicia. Emitirase unha nota de prensa para informar desta ILP á cidadanía Ourensá. Sobre a cuestión das redes e do facebook falouse de que Poyo se encargaría de manter a web actualizada e que se publicarían contidos máis breves e fáciles de ler, non só as actas.
• Tamén se comentou que o facebook podería utilizarse dun xeito máis eficaz: a páxina do facebook para publicar ligazóns e o AcampadaOU Debate para organizarse e debatir e alimentar de ideas a asemblea.
• Sobre a cuestión de finanzas, gastáronse 17,40€ en papelería (fotocopias e folios para difusión 25S) e 34€ para acreditarse na recollida de sinaturas na ILP. Fíxose durante a asemblea un aporte de 20€ entre 4 persoas. Chegados ao final houbo un interesante debate sobre a situación socioeconómica actual e sobre o papel e as accións promovidas pola AAO.

Follow

– A inscripción como entidade colaboradora da ILP dacción en pago custa 30 euros. Os promotores da iniciativa colgan información dos gastos na sua páxina: www.quenotehipotequenlavida.org

por conseguinte o diñeiro recadado sobrante destiñarase a unha asociación relacionada co uso da vivenda. Presentase moción no concello. O alcalde de Manzaneda interesouse por esta iniciativa e vaina presentar no resto dos concellos de Ourense. Proponse facer unha rolda de prensa en canto se poida, explicando a ILP.

– O que esté interesado en tratar o tema do 25-S debería acercarse polas Asambleas.

Follow

As 20h 15m. e coa presenza de 20 persoas, da comezo a Asemblea para tratar os seguintes puntos na orde do día:

1.- Recollida de sinaturas para a ILP dación en pago e aluguer social.Presentación da moción ao Concello.

2.-Denuncia das cúpulas das Caixas Galegas: Estado da cuestión. Entrevista co fiscal.

3.-Manifestación en Compostela(alameda) en defensa servizos público so sábado  as 11:30.

4.- Acción do 25 de setembro. Postura da asemblea.

5.-Tormenta de ideas para a campaña electoral.

6.- Acción Global 13 de outubro cacerolada mundial.

7.- Continuidade das asembleas e búsqueda de local.

8.- Información sobre as xestións realizadas cara ao ciclo de conferencias para este outono.

Que foron tratados como a continuación se describe.

1.- Roberto informa do traballo de recollida de firmas que levou a cabo neste verán de xeito individual, polo que pide colaboración aos membros da Asemblea, xa que a campaña remata en outubro. Varias persoas ofrécense voluntarias e queda fixada unha cita para o vindeiro martes día 11 na Leiteira da rúa do Paseo de 11 a 14h e pola tarde de 17 a 21h.

Neste mesmo punto se consensúa entregar ao Concello ese mesmo día o escrito de solicitude de moción pola Dación en Pago.

Tamén se informa da posibilidade de que o nome da Asemblea Aberta de Ourense figure na web da organización http://www.quenotehipotequenlavida.org/, para elo habería que pagar 30 euros. Neste punto abriuse un debate no que se acordou informarse da finalidade que tería esa aportación, dado o escueto das nosas finanzas, polo que a decisión queda pendente.

2.- Infórmase ás novas asistentes da campaña de información e recollida de firmas para presionar a fiscalía anti-corrupción, levada a cabo na anterior tempada. Roberto propón solicitar unha entrevista co fiscal para informarnos sobre o estado no que se encontra a investigación.

Respecto ao tema da acusación particular, Roberto informa dos contactos que stá mantendo cun avogado de Santiago de Compostela que vai a levar o tramite legal e o que aínda non falou dos custes económicos que isto suporía.

Neste punto tamén informa Roberto da reunión levada a cabo no mes pasado en Compostela con Attac Galicia xa que eles tamén apoian a campaña pola Banca Pública e a devandita acusación particular.

Neste punto Carlos Vello propón falar co avogado Ourensán Nemesio Barxa.

Tamén se informa da proposta da Plataforma por unha Banca Pública de crear un grupo de presión en Caixa Rural Galega, xa que moitos de nós eliximos esta Caixa como alternativa aos bancos existentes.

3.- Neste punto se propón acudir á manifestación convocada unitariamente polos sindicatos para este sábado día 7 en Compostela pola defensa dos servizos públicos. Queda Montse encargada de averiguar as horas e lugares de saídas de autobuses e informase que  quen queira asistir o confirme nalgún dos sindicatos convocantes para reservar praza.

4.-  Infórmase das vicisitudes polas que pasou esta convocatoria, na que si ben o movemento #15M (fundamentalmente Sol) nun primeiro momento desvincularase, no día de hoxe está pola unidade na plataforma ¡En Pie! http://plataformaenpie.wordpress.com/

Ábrese unha rolda de palabra na que se comenta a posibilidade de que a convocatoria para esta acción poda se constitutiva de delito, aínda así a Asemblea maniféstase a favor de que se convoque a cidadanía ourensá a participar xa que si non a convocamos nós ninguén vai a facelo. O como a imos convocar queda pendente para a próxima xuntanza.

Tamén quedouse en contactar coas asembleas das outras cidades galegas co fin de informarse das accións destas respecto ao tema e proporlles a contratación de autobuses conxuntamente. Encargaranse Roberto e Jorge.

Dado que hai tempo que non temos contacto, proponse convocar un foro de asembleas en Ourense, para ver o estado do movemento en Galicia. Sobre este punto hai consenso, o que queda é organizala.

5.- Neste punto ábrese unha rolda de intervencións por esta orde:

Roberto suxire que unha acción doada de levar a cabo sería a de retomar a campaña de Stop Nepotismo e ir disfrazados e cun manifesto (podería valer o xa elaborado por Martiño con algunhas correccións para adaptalo á Campaña electoral) ao mitins do PP (encargaríase Jorge de recadar información sobre as datas dos mitins).

Jorge propón facer unha contra-campaña (farían falla cartos) con carteis, fotocopias de folletos para informar á cidadanía dos desaguisados da lexislatura de Feijoo. Tamén propón facer un sainete da Campaña (escribiríao el) para representar  a caza e compra de votos por parte da castuza política.

Bernardino suxire reivindicar un partido político “mendicante” tipo as ordes mendicantes da Idade Media.

Tamén se baralla a posibilidade de convocar ás forzas políticas a un debate público.

6.-  Informase sobre a convocatoria mundial, impulsada polo movemento mexicano Yo Soy #312, para unha cacerolada o día 13 de outubro. Sobre esta acción hai consenso, pero deixase para máis adiante a realización da mesma.

7.- Sobre a continuidade das asembleas e visto o éxito da convocatoria de hoxe, non se trata o tema. Sobre o local decídese seguir na praza e cando chova ou faga frío celebralas no Trampitan como viñamos facendo ata o de agora.

8.- Respecto ao ciclo de conferencias para este outono-inverno confírmase a de Miguel Vázquez Freire para finais de setembro, principios de outubro co título: DEMOCRACIA, RAZÓN DIALÓXICA E CONSTRUCIÓN DE CONSENSOS.

Tamén se falou con Manolo Outeriño (estivo  hoxe na praza) sobre a posibilidade de que se comprometera a participar no ciclo de conferencias cunha sobre Medios de Comunicación, ao que aceptou gustosamente coa condición de que o avisaramos con dúas semanas de antelación.

9.- No punto de rogos e preguntas Miguel Inglés propón a creación dun fondo de alimentos para as persoas necesitadas pedindo a colaboración de supermercados e grandes superficies de alimentación, e na mesma liña crear un fondo de libros coa mesma finalidade.

A idea pareceu ben, pero o compromiso de realizala caería sobre el e as persoas que voluntariamente quixeran colaborar.

Sen máis asuntos que tratar remátase a asemblea de hoxe ás 22 horas.

Follow

ACTA 15 DE MAIO DE 2012

-Tratouse o tema do percance dos escoltas de Feijoo frente aos Estudantes Sen Futuro, Plataforma SOS en Defensa dos Servicios Públicos e 15-M Ourense na 3ª presentación do proxecto “Hospital 2050”, en medio de todos os recortes en sanidade. Quedou claro, segundo o testimonio dos asistentes que o viron. A única intención era a de declarar o descontento cara a este proxecto. A resposta dos escoltas foi moi desagradable, co inocente estudiante. A actuación da policía considérase aceptable e neutra.

Clara terxiversación dos medios de comunicación, cos feitos acontecidos.

Decídese, consensuadamente, facer únicamente unha serie de comunicados express dende as 3 organizacións á prensa no mesmo día, para esclarecer a evidente inocencia do rapaz.

Unha compañeira da Asemblea do Barco de Valdeorras propón que tal comunicado se imprima e se grape aos xornais que circulen polos bares e cafetarías.

Respecto á proposta de convocar unha rolda de prensa para desmentir a noticia divulgada por certos medios da prensa dixital, Alba fai consideración de que Asemblea Aberta Ourense non ten por que protagonizar esa acción, que de convocala debería ser o colectivo de Estudantes sen Futuro quen o fixera.

-Infórmase da existencia do espazo en facebook Acampada Ou Debate.

-Aniversario do 15-M

Neste punto é Roberto quen fai un breve resumo do feito neste ano de loita

-Puntos da orde do día anterior na acta de onte:

•1 Banca pública:

Resumíronse as accións levadas ao cabo en torno ao tema.

Falouse da unión coa Plataforma polo Aforro Público, das recollidas de sinaturas (inclusiva da entrega das 3000 sinaturas e da decisión que se tomou, de continuar coa recollida de sinaturas.)

Necesario reivindicar a banca pública, fronte á privada.

Presentación de Roberto e dos méritos conseguidos grazas a el e ao seu esforzo en torno ao tema.

Resumiuse a historia da creación da Plataforma en sí, dende ATTAC.

Falouse da recollida en toda Galiza e da Auditoría da Débeda en Barcelona.

Neste punto abrése un turno de palabra.

O sr. Pepe expón que a consecución dunha banca pública é inviable xa que para conseguila tería que ser unha decisión da UE no seu conxunto e que a nivel local as únicas accións realmente interesantes son as que como onte se fixeron na porta da Diputación dentro da campaña STOP Nepotismo.

Miguel reflexiona sobre a imposibilidade de que os gobernos podan facer nada a ese respecto e propón a necesidade de seguir acometendo accións de rúa que chamen a atención e conciencien á cidadanía.

Manolo Outeiriño fala da imposición do evanxelio neoliberal na economía financieira e recomenda a lectura de dous textos: ” Manifesto de Economistas Aterrados” e a “Clase Capitalista Transnacional” de Leslie Sklair que expoñen claramente a suposta desvinculación entre o poder político e económico e a transferencia da soberanía coa implicación que esto conleva na desnacionalización das políticas sociais.

Mary, pola súa parte, fai a consideración de que a poboación ten información sobre a ocupación de cargos bancarios por parte das familias políticas, aínda que os medios de comunicación éstén en mans de dos bancos a través das grandes empresas.

Manolo volta a tomar a palabra para facer unha reflexión sobre o caso arxentino e sobre a proposta da creación dun banco malo que asumiría a débeda e lla entregaría ao FMI.

•2 Apoio áos afectados polas preferentes:

Resumiuse a realidade da relación cos da plataforma das preferentes (explicouse o problema das preferentes).

•3 Asambleas constituíntes:

Neste punto Roberto informa que a Asemblea Aberta Ourense está en contacto coas Asembleas Constituíntes do Estado por si é posible iniciar o proceso na cidade.

•4 Auditoría da débeda:

–

•5 Estructura das asambleas:

–

•6 Situación do 15-M en EEUU, información recibida dun visitante de Portland.

Os puntos 4 e 5 quedaron sen tratar debido a hora e ao cansazo das accións deste día de aniversario no que a loita se fixo máis palpable que nunca.

VIVA O 15 de MAIO!!!

Follow

– Celine le a descripción da performance que terá lugar despóis do dia 12-M.

O guión, feito por Celine, ten moi boa impresión entre os membros da asamblea, quedando detalles por arranxar. En principio dátase pra o 15-M, como aniversario, na rúa do Paseo ás 19:00.

– Hoxe chegou un grupo de nova xente interesada en participar nas xestións diarias que atañen o movemento 15-M.

– Lectura do manifesto pra o día 12-M. O documento fai un recordatorio de tódalas inxustizas feitas polo goberno e a banca, facendo un chamamento á cidadanía a non olvidar e manifestarse abertamente como 15-M, facendo frónte ós problemas cotidiáns de forma cotidián, unidos.

Faltan uns detalles pra o seu remate, entre eles, conseguir unha pantalla e un proxector pra ese dia na praza.

Martiño, a través de Roberto, fai a proposta de invitar ós movementos de Ourense pra que fagan o seu manifesto e veñan a lelo na praza con nós.

Comunicación na Subdelegación feita tal como se acordara.

Faise solicitude ó Concello pra ter a concentración final na praza despóis do recorrido, decindo o Concello que o dia 12-M temos a praza libre.

A electricidade depende da empresa GREMASA, según o técnico do Concello.

A tarima solicitóuselle ó Concello, e a concelleira de Cultura quedou de miralo.

– “Cea de fraternidade” 🙂

Proposta de Mary. Venres 27. O sitio está por verse, algo económico.

Follow

Comeza a Asemblea ás 21 horas

Orde do día:

–         Organización 12M-15M.

Desenvolvemento:

Reparto de tarefas:

–         Coordinación xeral: asúmea Roberto

–         Permisos: Roberto asume a elaboración do mesmo e a súa presentación na Subdelegación do Goberno. Non falamos de engadir máis firmas. Ricardo propón o seguinte percorrido: Saída 19h da Alameda, Progreso, Xoan XXIII, Bedoya, Rúa do Paseo, Praza Maior.

–         Manifesto: Consensúase que se inclúa o global de DRY e os 5 puntos, e proponse convocar a outro pirate para a súa definitiva edición, ínstase a que os que vaian a participar teñan xa propostas elaboradas. Considerouse incluír un punto que faga referencia á Reforma do código penal e ao dereito á libre circulación da información.

–         Son: Ricardo asume a responsabilidade  xunto con Martiño

–         Cartelería: Para o deseño proponse a Martiño xa que as persoas que ata ao de agora a viñan asumindo xa teñen responsabilidades. Acórdase  facer una campaña de intensidade paulatina, na que vaian variando as mensaxes da cartelería., mesmo se considera oportuno que unha primeira tandada podería estar na Praza para a próxima asemblea.

Acéptase a proposta de tirada en tinta negra sobre papel amarelo.

Tamén se decide facer uns flayers co manifesto global de DRY por un lado e os cinco puntos polo outro.

Encargarase de facer as recollidas Diego.

As quedadas organizaranse cando teñamos a cartelería.

–         Para a elaboración de materiais e pancarta principal:

Ricardo se encargará de conseguir a lona, Esther de facer as letras e o         porco de ouro para a Adoración á débeda. O lema principal será: NON SOMOS MERCANCÍA EN MANS DE POLÍTICOS E BANQUEIROS e realizarase na praza o día anterior, tamén se farán pancartas pequenas. Non irá firmada, pero acórdase levar a pancarta de Asemblea Aberta de Ourense e o trapo, as demais pancartas que temos colgarémolas das barandillas dos soportais. E Celine se encarga de conseguir as persoas que a leven. Roberto asume recadar a información de si hai, para esa data, algún acto na Praza.

–         Respecto:  A coordinación levarana Ricardo e Diego e formarán parte do equipo:  Marisela, Mary e Miguel Ordoñez (confirmaron) Chino.

–          Redes: Comunicar a Mare que ela debe elaborar os eventos no face e no twiter e ten que incluír un texto que se quedou en elaborar nun documento que se abrirá en Acampada Ou Debate no que a maiores de chamar á mobilización, inclúa o programa de actos.

–        Vídeo: Ricardo porase en contacto con Dani, para que faga a gravación.

–         Acéptase a proposta de Martiño de realizar nese días, as performances cos títulos: O 15 de maio limpamos a casa e Adoración da Débeda.  Pero cómpre voluntariado e perfilar as accións.  Considérase a conveniencia de contar cun algún grupo de teatro que quixera colaborar.

–         Concerto: Ao remate da lectura do manifesto haberá un pequeno concerto a cargo de dous grupos. Para o intermedio acórdase facer o pase dun diaporama que realizará Óscar Pinal e a o cal estamos todxs invitadxs a colaborar enviando fotos.  Marisela propón invitar a músicos que acompañen a manifestación para facer festa. Tamén se acorda propoñer colaboración aos Percutores de Rairo.

–         Os puntos referentes á campaña de prensa e megáfono non houbo tempo para tratalos, pero Mary asumíu facer recopilación de consignas.

–        Comezouse a elaborar un plano de traballo para a semana que ven: e proponse que o pirate pad para o manifesto sexa o martes 15,  xoves a asemblea e o 20 Roberto presentará o permiso na delegación.

A asemblea remata ás 23 horas.

Follow

Organización Manifestación 12 de maio de 2012

ASEMBLEA ABERTA OURENSE

– Coordinadora xeral: Unha persoa que se encargue de coordinar a marcha da manifestación e a todos os voluntarios:

Roberto

– Permisos: Redactalo, asinalo, presentalos na subdelegación. Quedar cunha copia selada. Os asinantes adquiren o compromiso de acudir á mani con esa copia ou coa comunicación que reciban durante estes días con elas.

-Texto comunicado subdelegación.

Roberto nos falamos de pedir máis firmas pero penso que non haberá problemas

-Itinerario manifestación.

Saída da alameda (as 19h?) e percorrido por Progreso, Xoan XXIII, Bedoya, Rúa do Paseo, Praza Maior.

– Manifesto. Redactalo, consensualo. Ensaiar e Coordinar a súa lectura.

Pensamos que sería boa idea montar outro pirate o martes que ven (habería que anuncialo) para elaboralo xa definitivamnte.

– Son. Unha persoa encargada de montar o equipo de son (e vídeo no seu caso) e de velar polo seu bo funcionamento.

Ricardo e Martiño

– Cartelería: Deseño, impresión e pegada. Existe a proposta de utilizar os seguintes recursos gráficos:

http://dl.dropbox.com/u/24119550/DRY/12M15M-CAMPA%C3%91A.pdf

http://dl.dropbox.com/u/24119550/DRY/12M15M-TOMA-CIUDAD.pdf

https://n-1.cc/pg/photos/album/1257316/recursos-grficos-12m15m

Habería que concretar finalmente por que deseños se opta, imprimilos e realizar as quedadas para repartir e pegar. En anteriores manis optouse por realizar unha ou varias quedadas masivas de xente. En anteriores manis optouse por impresións en B/N folios A4 de cor amarela.

Continuar lendo →