Arquivos da categoria: Actas

Follow

Data: 9/5/2013
Lugar: Praza Maior

Hora de convocatoria: 20:00 H
Hora de comezo: 20:45 H
Hora de remate: 23:30 H

ORDE DO DÍA
1- Concerto Solidario, contas e entrega de alimentos a Cruz Vermella.
2- Organización mani 12M(15M).
3- Valoración das palestras e organización.
4- Información plataforma pola banca pública.
5- Constitución como nodo local en Ourense da plataforma da auditoría da debea
6- Manifestación internacional día 1xuño
7- Pebiscito 23 a 30 de xuño
8- Stop Desafiuzamentos

1º PUNTO DA ASEMBLEA – Concerto Solidario, contas e entrega de alimentos a Cruz Vermella.  

Entradas (400) – vendidas ————> 243 = 1215€ 

Entradas sin vender ——————–> 157   

Postáis (500) – vendidas —————>120 = 60€ (moméntaneo)
 

TOTAL RECAUDADO (a 9/05/2013): 1122€ 
 

Falouse con Cruz Vermella para comentarlles que hai duas personas que precisaban comida, e xa quedaron avisados por Miguel.

Non hai tanto consenso de entragalos a Cruz Vermella debido a algunhas críticas recibidas por diferentes persoas sobre o reparto de alimentos desta entidade, aínda que foi o acordado, polo que sí se sigue coa entrega, pero se acorda falar cos responsables para aclarar este tema.

Acordase facer nos unha recolecta paralela para as persoas que conhecemos que precisan axuda, a nivel Asemblea Ourense, levando ás seguintes asembleas alimentos para xuntar e darllos.

2º PUNTO DA ASEMBLEA – Organización mani 12M(15M).

Concentración ás 19:00pm na Praza Maior de Ourense.

Feito o evento no facebook e convidados os amigos nas redes; quedase en enviar nota de prensa (Resume do manifesto que se leu no concerto)(Oscar).

Os cartaces hai que buscalos en grande para imprimilos (Oscar).

Confirmar o equipo de son (Martiño).

Haberá unha asemblea extraordinaria con micro aberto. Recolleranse propostas, antes de manhán, para encher o espacio que dure a concentración-asemblea.

Fálase de convidar a colectivos para facer unha asamblea-consulta de cara a futuras movilizacións, pero valorase que se trata dunha concentración para celebrar o aniversario do 15-M e non se considera que o resto de colectivos como tales deban formar parte da organización do mesmo.

Na Organización, coméntase de agradecer ós organizadores, ós que vinheron e formaron parte de que o concerto se levara a cabo e saíra a pedir de boca.

Pancarta: mirará Roberto se existe todavía a do ano pasado, para meterlle un cambio no texto (cambiar o número 1 por un 2), e poder reutilizar a que xa hai, se a hai. De tódolos modos, pódese comprar xa que sae barata (uns 20 euros) e pódese mirar de facer unha nova, xa que este aniversario (2º) o lema é “Da indignación á rebelión. Escrache ao sistema”.  A lona para a pancarta cómpraa Sela (6 metros de largo), as letras fainas Esther, e traenas o Domingo antes da concentración (5 da tarde) para pegalas .

3º PUNTO DA ASEMBLEA – Valoración das palestras e organización.

Coméntase do pasado na última palestra con Rosa María Calaf, sobre o son e os erros que se poderían solventar se houbéramos mirado ese tema antes, asegurando o bo funcionamente para as futuras palestras. Se Martinho pode para a seguinte palestra, que quede como responsable de son, tanto para proxeccións como para funcionamente dos micros (que non monten son, que non tenha demasiado eco…); se Martinho non pode, Óscar proponse como alternativa. Queda tamén aberto a quen controle de tema son.

A xente está contenta con como saen ata o dagora, quitando ese pequenos erros.

O sonido é a máxima preocupación, sobre todo cando falan co inalambrico, e sobre todo pola parte de atrás que non se escoita.

Tamén hai que segurar que internet funciona, xa que na de R.M. Calaf colgouse 15 minutos, e sí houbo xente que seguía a palestra en “streaming”.

Determinar os pagos das cenas doutro xeito para non ter problemas coas contas no momento de pagar tras a cea.

4º PUNTO DA ASEMBLEA – Información plataforma pola banca pública.

 Roberto comenta a lexitimidade da plataforma, vinculada á que Asemblea Aberta Ourense se implicou, baixo acordo de todos, e nos fai un resumo  do nacemento da mesma:

Consituíuse un grupo de traballo, no que vairos integrantes estaban, e ese grupo acordou quitar a denuncia da banca, e facer unha presentación de ADUCB.

ADUCAB xa existía dende o 98, con estatutos.

O 11 de abril presentouse no Ateneo de Ourense, crisis financeira, responsables e consecuencias.

O martes 7 de maio volveuse reunior o grupo de traballo, convidando a afectados polas preferentes que estivaran na presentación, e decidiron sumarse á denuncia a título individual.

Xunto con xente de Marea Cidadá, acordouse facer unha presentación de ADUCAB á presna o luns 11 as 12:00 na sucursal de Nova Galicia Banco na rúa do paseo, e facer asemblea o 21 as 18:30.

Propuxose facer soci@s cunha cuota dun euro ao mes, que se deberá confirmar na asemblea.

Acordouse crear un BLOG: aducab.wordpress.com; no que se copiou  o texto da Plataforma pola Banca Pública, e o logo, o que se deberá validar en asemblea. Tamén se colgaron os estatutos e proximamento o forumulario de inscripción.

Na asemblea tamén se constituirá a plataforma, cos cargos correspondentes, precisos para podelo levar a subdelegación e persoarse na denuncia.

A plataformá é sen ánimo de lucro. Esto exporase tamén na Marea Cidadá.

5º PUNTO DA ASEMBLEA – Constitución como nodo local en Ourense da plataforma da auditoría da debea.

Roberto está indo as reunións, con moita más xente nas primeiras e decaendo nas últimos, quedando un grupo de unhas 10 persoas.

O obxetivo é crear os máis nodos posibles para xuntar forzas e traballo co resto do Estado para presentar a Auditoría da Débeda.

Falase da necesidade de visualización da rede de nodos da auditoría, e que non implica un traballo máis alá do que xa se está a facer, de manter unha serie de contactos e aproveitar unha serie de ferramentas exientes e información xa a nivel estatal.

Falase de que quizais meterse nesto quite forzas de outros temas, somos poucos e temos moitos temas enriba.

Valorase diexalo para máis adiante para ir pechando temas.

Comentase que non é algo a maiores, senon parte do que xa facemos, que so suporía constituirse como tal “oficialmente” e que quen quiera se adira (comentadollo a outros colectivos).

Comentase a importancia de que se constitua dende AAO o nodo de auditoria da débeda para que dende a plataforma se poida mover, non dun xeito aislado. Agora mesmo so existe en Compostela, pero se está a mover en outras cidades de Galicia.Tamén sería un xeito de conectalo con ADUCAB e colaborar e obter aportacións tamén deste colectivo.

Decidese seguir debantindo este tema na seguinte asemblea para tentar ter máis aportacións de outra xente que hoxe non pudo estar.

6º PUNTO DA ASEMBLEA – Manifestación internacional día 1xuño.

AAO decide unanimemente levar o seu voto a favor de organizar dende Marea Cidada a manifestación en Ourense.

7º PUNTO DA ASEMBLEA – Pebiscito 23 a 30 de xuño.

Montse trae información e expón o tema, quen organiza, como, a documentación precisa, y o por qué deste plebiscito, para ver se AAO apoia e leva adiante este tema.

Comentase que non é vinculante, pero que se sae ben pode ser un punto de partida para forzar un cambio.

Falase que é cada un se debe apuntar individualmente e facer porposta na web http://plebiscitovinculante.wordpress.com/.

Comentase que na seguinte asemblea de Marea Cidadá se falará tamén deste tema.

8º PUNTO DA ASEMBLEA – Stop Desafiuzamentos.

Roberto comenta que a raiz da charla coa TVG se enteraron do problema con unha das afectadas, nunha situación bastante mala, e que actualmente non podemos poñernos en contacto con ela. Falase do adecuado de por a nova no facebook certas novas e a posibilidade de que a afectada se molestara. Comentase de falar con ela para pedirlle desculpas por se se sentiu invadida.

Oscar lee os correos mantidos polo do Pacto Cívico, onde se exixe un movemento por parte do Concello tras os sucesos acaecidos, recibindo resposta inmediata para indicar que inda se ten quer debater no pleno, pero non asegura que sexa nin sequera en xunio.

Roberto comenta que tamén falou con eles para pedir o movemento canto antes do tema, non recibindo a cambio máis que excusas.

O caso dalgunha das afectadas non parece ter máis saida, máis que a loita social, indicado deste xieto polos propios avogados, polo que precisamos preparar unha estratexia para sacar esto nos medios.

Follow

Data: 18/4/2013
Lugar: Bar Trampitán

Hora de convocatoria: 20:30H
Hora de comezo: 20:40H
Hora de remate: 22:06H

ORDE DO DÍA
1. Manifestacion do 25 de abril
2. Manifestacion 1º de Maio
3. Peche no I.E.S. “A Carballeira”
4. Información STOP DESAFIUZAMENTOS
5. Loxística e finanzamento dos concertos 2º Aniversario
6. Varios

[*] Antes de comezar a xuntanza da Asemblea preséntase ante a mesma Marcial Peranes, secretario do Ateneu, que informa sobre a difícil situación económica actual deste tras o recente desaloxo do edificio San
Martín, que ocasionou unha serie de dificultades económicas froito dunha baixada no número de afiliacións que lles impide manter o pagamento do local actual. Con tal motivo, traslada a petición de apoio a todos os
colectivos sociais e culturais da cidade, animándoos a participar nun acto solidario que se realizará na actual sede do Ateneu (Avda. da Habana, 25) ás 20:15H do vindeiro mércores 24 de abril no que se fará
pública esta situacion.

1.- Montse pasa a informar á Asemblea sobre a reunión que mantivo o domingo 14 cos colectivos xuvenís da cidade a propósito de organizar a mobilización local para o 25 de abril. Fixáronse durante a mesma o
percorrido da manifestación (dende a Alameda á sede do PP con varias paradas durante a mesma na biblioteca, xulgados, etc.), e mailo cartel e lema desta (“O pobo é quen máis ordena”); acordándose do
mesmo xeito que a faixa sería unitaria, sen siglas, e sen bandeiras polo medio de ningunha organización política ou sindical. Levaranse tamén máscaras tipo “V de Vendetta” que se repartirán na propia
manifestación para remarcar o sentido unitario da mesma. A manifestación sairá en principio ás 20:00H dende a Alameda, quedando non obstante por concretar na vindeira reunión dos colectivos organizadores
do venres 19 ás 19:00H no CS “Sem um cam”, á que acudiria Montse no caso de que ao final ninguén se apunte. Sobre a proposta que facíamos como Asamblea Aberta do “In-Out”, informase de que esta
finalmente non foi compartida debido a que se vía como moi complicada polo resto de colectivos presentes.
Infórmase tamén de que un pequeño grupo de 4-5 persoas da Asemblea están organizando unha viaxe a Madrid polo 25 de abril. Pese a algunha reticencia referinte a centrar únicamente na sede do PP a protesta,
a Asemblea aproba sumarse a esta manifestación xa que non conta co tempo suficiente para organizar outra cousa. Acórdase neste sentido aprazar a vindeira asemblea debido a que a manifestación coincide en
xoves.

2.- Sobre a manifestación do 1º de Maio, infórmase do contacto dos sindicatos minoritarios coa Asemblea para a participación desta no “bloque crítico” da manifestación. No caso de aceptar esta invitación, quedaría
por decidir o lema da parcarta, un manifesto, nota de prensa, etc. Sobre o “bloque crítico”, recórdase que os sindicatos maioritarios prestaron colaboración en varias das actividades da Asemblea ao longo do ano,
acordándose que ir nun “bloque critico” non implicaba ir contra unhas siglas sindicais concretas. A asembleaconsensúa acudir á manifestación do 1º de Maio como “bloque crítico” ao final da mesma, aprobando consecuentemente acudir á reunión preparatoria desta do mércores 24 ás 18:00H na Universidade.

3.- Infórmase ante a Asemblea que mañá, venres 19 de abril ás 19:00H, terá lugar un peche no I.E.S. “A Carballeira” con motivo dos plans da Xunta de Galicia de transformalo nun centro integrado de FP (quitando
con isto os cursos da ESO actuais). Invítase a participar masivamente nesta acción.

4.- Pásase a informar sobre a última reunión da comisión de seguemento dos desafiuzamentos do Concello de Ourense, repetíndose de novo as malas sensacións sobre a mesma. Novo desentendemento da maioría
de forzas políticas. As entidades bancarias, pola súa parte, seguen insistindo no discurso de “non existen casos de desafiuzamento actuais en Ourense”. Durante esta última reunión, “Stop Desafiuzamentos”
centrouse na redacción das súas propostas para a comisión, e na petición dun teléfono para a atención á cidadanía afectada por este problema. O Concello comprometeuse á creación deste teléfono e a darlle a
publicidade axeitada. O problema neste sentido ven no tocante a onde redirixiría este teléfono de atención, xa que a prometida “Comisión Técnica” (formada por asesores legais, psicolóxicos, un membro de Stop
Desafiuzamentos, técnicos varios do Concello, etc.) considérase agora polo Concello “excesiva” e pouco útil. Entre o resto de propostas, estaría a invitación ao Concello de deixar de efecturar transaccións e outras
operacións bancarias con aquelas entidades que estiveran levando a cabo desafiuzamentos na cidade.
Tamén caeu abaixo outra proposta de Stop Desafiuzamentos referente á utilización do parque móbil do Concello gratuitamente para a mudanza da xente desafiuzada, alegándose que iso esixía moitos trámites e
derivando a decisión a un pleno. Recóllese tamén que houbo un pequeño altercado na comisión coa asesora legal do PP, que chegou a burlarse da dacción en pagamento. As sensacións seguen sendo que o
Concello só pretende con esta comisión unha publicidade puntual que non se concrete en nada, sendo a Asemblea moi excéptica co que poida sair en positivo desta comisión pese ás boas intencións dalgún grupo
político.

5.- Miguel fai á Asemblea unha proposta de autofinanciamento para pagar o equipo de son do concerto, que consistiría en ir 2-3 persoas polos bares da cidade ofrecéndolles pór o seu anuncio no cartel do concerto
colaborando económicamente co mesmo (20-25€). Debido ao problema de que os carteis xa estan impresos e mesmo colgados, proponse engadir eses patrocinadores cunha fotocopia pegada debaixo de cada cartel.
A asemblea aproba por unanimidade a proposta, e fórmase un grupo para ir facendo este percorrido polos bares da cidade o luns á mañá, no que estaría Miguel e Jose Antonio (Ruben queda encargado de editar os
anuncios para logo imprimilos). Recórdase que os tacos de entradas para vender e mailos carteis quedan no Trampitán, tendo que apuntarse previamente cada un no caso de que colla os tacos que considere para
vendelos. Para a vindeira semana estarán impresas xa as postais (500 en total), que se venderán a 0.5€ cada unha. No tocante á recollida de alimentos no concerto, infórmase que dende Cruz Vermella ofrécense
a recoller os alimentos coa condición de facelo o luns seguinte ao concerto (xa que non contan con persoal suficiente na fin de semana). Montse contactou tamén co banco de alimentos da rúa Manuel Murguía debido
á reticencia de parte da Asemblea a realizar a recolida dos alimentos con Cruz Vermella. Fíxase o luns 22 á tarde como data límite para decidir quen e cando recolle os alimentos do concerto. Para publicitar esta
recollida de alimentos, acórdase imprimir unhas octavillas que informen sobre a mesma que se repartirán con cada entrada vendida.

6.- Infórmase de que hai un Piratepad aberto para ir coordinando as ceas dos diferentes conferenciantes das xornada de maio, así como para organizar as diferentes tarefas dos concertos para que se poida sumar
a xente que quera participar nas mesmas.

En Ourense, ás 22:06h, dase por rematada a asemblea.

Follow

Orde do día:
1.- Lectura e aprobación, se procede, da acta anterior
2.- Acción día “d”
3.- Concretar a acción do 25 de abril. Reparto de tarefas.
4.- Información do grupo de traballo 2º Aniversario
5.- Estado da loxística e finanzamento do 2º Aniversario
6.- Propostas de AAO para a reunión da marea cidadá do martes 9 ás 18h no edificio de ferro.
7.- Plebiscito vinculante
8.- Información STOP DESAFIUZAMENTOS,.
9.- Información da reunión co colectivo Adiante.

Orde de tratamento, desenvolvemento, debate e acordos:

Antes de nada destacar a presenza de Manuel e a súa muller e Rubén Bentiban, persoas a piques do desafiuzamento de aluguer e en situación de notable necesidade económica.

1.-  Apróbase a acta do 28 de marzo.

2.- Despois dunha rolda de palabra na que se pon sobre o tapete a posiblidade de ser multados, dado que a figura legal é “acoso” , expóñense alternativas que pasan dende a creación dunha caixa de resistencia ao recurso xudicial, acórdase seguir adiante coa acción coas seguintes responsabilidades: Roberto traerá as fotocopias en cor, dado que moitas das asistentes no teñen fotocopiadora e Montse encárgase de falar con Diego para que veña gravar.

3.- Respecto da acción para o 25 de abril, algunhas das persoas asistentes á asemblea,  propoñen, en vez de realizar a acción aprobada na asemblea anterior,  ir a Madrid e manifestarse fronte ao Congreso, para o que deciden entre eles buscar medio de transporte para ese día; polo tanto o tratamento  da acción “in-out” queda en suspenso ata confirmar a asistencia de persoas que a realicen.

4.- Como hai acta da reunión do grupo de traballo do 2º Aniversario, a asemblea dáse por informada.

5.-  Neste punto falouse en primeiro lugar do tema: recollida de alimentos. Desbotouse a idea de dar cañas por kilo de comida por considerarse pouco ético alentar á xuventude a consumir alcohol. Acordouse chamar a traer alimentos solidariamente, avisando no cartaz e nas entradas. Nolas propón facer unha acción específica para o tema de recollida de alimentos, despois de escoitar as persoas que están en contacto con situacións de exclusión extrema.
En segundo lugar acordouse poñer como punto fixo de venda de entradas o Trampitán,  e que tal información figure nos cartaces.
Respecto do tema son da sala as opcións son as expostas na reunión do grupo de traballo: a) que o socio de Franco (sala Berlín) subvencione a metade do gasto, b) que se regatee o prezo coa empresa suministradora, c) que Oscar fale cunha persoa que el coñece que dispón dun equipo, para que no lo preste.
Tamén se acordou falar con Esther para que faga chapas de STOP D.
Óscar informa de que as postais e os marca páxinas xa están en imprenta.
Insístese na transparencia radical coa recadación das entradas que irán destinadas á pagar os gastos derivados das palestras e proxeccións e gastos de AAO e o resto para Stop desafiuzamentos.
Faise unha proposta de facer unha web para o evento, pero esta proposta non quedou pechada.

7.-  Celine informa que sobre a acción Plebiscito Vinculante hai información colgada no muro de Acampada Ou debate para que se estude a posibilidade de asumila como asemblea. Tamén propón que se leve á reunión da marea cidadá, pero non hai consenso.

8.- Información Stop Desafiuzamentos sobre a reunión da comisión do Pacto Cívico do Concello:
Informa Roberto.  Asistentes entre outros: Colexio de Psicólogos, Afectados, Stop D., Educadores Sociais, AAO, AUSBAN, representantes de vivenda pública e privada, avogado da oficina de Intervención Hipotecaria e representantes do Concello para asuntos económicos…
Roberto di que houbo dúas posturas “contundentes” a do Bloque que esixe a creación dunha comisión técnica e a de Anova que pide a creación desa comisión técnica, concretar as súas competencias e esixir a súa operatividade.
Tamén informa que AAO fixo as propostas recollidas no pirate que se abriu a tal fin como:
Definición de obxectivos da Comisión
Regulamentación
Atención psicolóxica aos afectados
Creación dun banco de alimentos
Axuda a mudanzas
Creación dun parque de vivendas
-Creación dunha bolsa de emprego
Axudas para evitar o corte se suministros de auga e de luz
Creación dun telefono
Difusión da información
Posicionamento do Concello mediante unha declaración expresa que presione ás entidades bancarias
Posicionamento de partida a favor da ILP
Escolma de membros que empecen a traballar
Avaliación semestral das accións desta comisión
Participación dun representante de cada forza política que colabore
Proposta dun único obxectivo: cumprimento do artigo 47 da Constitución

6.- Neste punto informase que hai aberto un pirate coas propostas para levar a reunión e se lembra a decisión da asemblea anterior de facer a proposta de participación da acción in-out e en todo caso que redacten o manifesto que sería lido nese día.
Roberto que asistirá a esa reunión non asume levar a proposta da acción do 25 de abril.

O punto 9 non da tempo de tratalo.

Follow

Ás 20:30 no Trampitán.

1º-Asemblea de colectivos Marea Cidadá:
-Exposición de acordos Tomados.
Asistiron á Asemblea da Marea Cidadá: Liga Estudantil Galega, Anova, Marcha Mundial das Mulleres, Asemblea Aberta Ourense, Stop Desfiuzamentos, Plataforma pola Banca Pública, Movemento FUE, PROSADI e Marea Laranxa. Acordouse crear un grupo de traballo para colaborar na denuncia aos directivos das Caixas de Aforros. Este GT reunirase o luns 18 de marzo ás 18:00 hrs. no Edificio de Ferro do Campus de Ourense, para non coincidir coa xuntanza da “comisión de seguimento de desafiuzamentos” creada no concello de Ourense a petición do BNG e nosa. Ten un lugar un extenso debate sobre a Marea Cidadá que comeza co cuestionamento da pertinencia de que sexa a Marea o foro idóneo para levar a cabo un grupo de traballo sobre esa cuestión. Por outra banda sublíñase o consenso acadado na asemblea da Marea sobre a creación do grupo de traballo ao que se responde con que a Marea debe dotarse de identidade para poder constituírse como un espazo de confluencia de novos colectivos. Faise constar que a mesma situación que se estaba dando durante o debate se viviu cando se constituiu o grupo de stop desafiuzamentos no seo da AAO. Finalmente acádase o compromiso de realizar unha proposta de contido para consensuar na vindeira asemblea da Marea Cidadá e comezar un debate de ideas para a construcción dun discurso/manifesto de mínimos que aglutine os intereses e motivacións dos colectivos e serva como ferramenta para ampliar a base dos mesmos.

2º-Contracumio europeo;Nodo auditoría:
-valuación máis accións.
Valórase moi positivamente o esforzo e traballo das persoas que organizaron a acción do contracumio europeo en Ourense. Asimesmo valórase positivamente a acción en sí mesma, botando en falta maior número de participantes e xente que a presenciase. Proponse que a acción se podería repetir ao remate dalgunha manifestación xa que se aseguraría a presenza de moita xente ao redor.

3º-Ciclo decharlas de Maio:
-Permiso de comercio: Están enviados pero aínda non contestaron
-Sillas.(0.80 ctm) // solicitude Participazón cidadá e cultura??. Martiño comprométese a xestionar o préstamo de cadeiras coa Concellería de Cultura.
-Concerto (sala Berlín 3 maio).
(Grupos) O grupo de Caride participa pide xuntarse co resto dos grupos para coordinarse.
Martiño comprométese a reeditar o contacto co Sonoro Maxín para que actuén ese día.
-Proxecións do 13 a 18 de maio. -Comercio. -lista de proxeccións.
Serán en xuño e xestionará directamente o Cine Clube, só nos piden que lle pasemos o listado de películas.
-Grupo de traballo Loxistica.
-Ponentes.(custes e contactos)
-Lugares para comer ou facemos comidas. Montse amosa a disponibilidade da súa casa como lugar para a celebración da cea despois de cada palestr.a
-Lugares para dormir( hotel ou Domicilios particulares). Estas cuestións dilucidaranse nun vindeiro grupo de traballo específico que se reunirá a semana que ven.
Idoia amósase voluntaria para o deseño do cartaz.

4º-Stop desafiuzamentos:
-Repasar casos: Xestionouse un caso dunha familia en Barbadás e outro máis onde se conseguiu un aprazamento e se fixo unha xestión para conseguir axuda dos servizos sociais.
-Comisión de seguimento no concello. O grupo municipal do BNG solicitou a STOP Desfiuzamentos unha rolda de prensa conxunta o xoves 21 ás 19:00 hrs. Iníciase un debate onde hai posturas discrepantes. Sin chegar a un acordo pásase ao seguinte punto.
– Soliciouse colaboración nunha acción organizada polo colectivo Adiante en Ourense nos vindeiros días. Non houbo tempo de debatir e proponse tratalo na seguinte asemblea.
– Descríbese a acción de scratcheo para presionar aos deputados que teñen que votar sobre a ILP da PAH. Non se adoptan acordos sobre esta cuestión.
– Houbo algunhas posturas contrarias a esta rolda de imprensa co BNG. Finalmente acordouse que Stop Desafiuzamentos pediría falar co alcalde e trataría de presionar no concello, e logo mirariase de facer a rolda de prensa.
– Expresouse a gratitude ao grupo do BNG, e en especial a Ximena, por facer presión dentro do concello.

5º Accións o 25 de abril. Non hai tempo de tratar este punto e solicítase que a vindeira asemblea comece por el.

Follow

ORDE DO DÍA:
>>NODO AUDITORÍA DEBEDA GZ:
-Xuntanza de Compostela.
-Constituimonos como nodo en Ourense?? Acórdase insitir na implicación da Marea Cidadá, porque se lles convocou para a reunión en Compostela e non acudiu ninguén.
-Accións Contracumio Europeo(14 a 16 de Marzo).”Adoración á debeda”
-Acordos: Xoves 14 Marzo idos a realizar acto composto de das partes: Disfraces, pancartas e lectura de l manifiesto da contra cumbre. Quedamos ás 5 da tarde na Praza Maior para inicialo. Celine crea grupo para coordinar ante necesidades coxunturais. En principio todo está preparado.

>>CICLO DE CHARLAS MAIO: 8, 15, 22 e 29.Maio e 5 Xunio.
Proposta creación Grupo traballo para financiación e presupostos.( camisetas, marcapáxinas…)
Reunión posible Sábado 16 ás 12:00 AM.
Sillas praza .Miguel y Roberto (Comercio)

>>STOPDESAFIUZAMENTOS:
-a asistenta social de barabadás contactounos para avisarnos de que o venres se vaia estudar a cración dunha comisión de seguimento dos desafuizamentos niste concello a proposta do concelleiro Firvidas do BNG.
-Chegáronos outros 2 casos do Barco.

>>ACCIÓN 25 DE ABRIL.
– Xa se creou no seu momento un correo para chamar á colaborar na constitución dunha asemblea constituinte CONSTITUINTESOURENSE@HOTMAIL.COM, e repartironse fotocpias dina4 onde ia a web e onde se explicaba o que se pretendía.
A asemblea de vigo xa estaba constituida nise momento. Constituimonos en ourense????. Martiño deixou un pirate para aportar.

>>ASEMBLEA DE COLECTIVOS MAREA CIDADÁ.
-Próxima asemblea o xoves 14 marzo no centro civico de Colón ás 18:00h . Propoñemos adelantala un día para organizar o acto de “Adoración a debeda” e Manifiesto de Contracumio.

–Miguel pasa tesorería a Oscar. 161 eu

Follow

ACTA 26/2/2013

Orde do día:
-Avaliación da Marea Cidadá.
-Ciclo de charlas de Maio.(estado)
-Stop desafiuzamentos.
-Nodo auditoria Gz.

1. Avaliación da Marea Cidadá:

Tanto Xiana como Martín como Roberto inciden no éxito, tanto na pancarta, como na afluencia ou no canto “Grándola Villa morena”, así como na convocatoria a outras organizacións ou sindicatos e partidos políticos.
Cousas a mellorar, según Martín e Roberto son as convocatorias en “tempo e forma” ás distintas organizacións que quedaron de alguna forma no tintero e que apoiaron previamente.

2. Ciclo charlas Maio:

Aínda que está casi organizadas quedan cousas por pechar:

Financiación:

Postais, concertos, marcapáxinas.(consensuado)
Venta de pequeños artículos na entrada de actos e na rúa. (proposta de cración grupo venta pola rúa).
Consenso para crear grupo para concertos : Irene, Roberto, Xiana, Miguel, Maria José e Rubén.
Contacto sala Berlín/ Miguel Caride (por concretar)

Sillas. Opción A: (IU)
Opcion B: Comercio
Opción C: Cartóns..

Lugar: En pricipio sería na praza pero podería ser no Liceo.segundo a meteoroloxía.

3.Stop desafiuzamentos. Sen acordos concretos.

4. Tesorería.

Miguel desiste e propónse conta bancaria ou depósito na casa, aínda por concretar.

5. Propostas:

a . Fixar sistema de convocatoria a organizacións (sindicatos, partidos…)
b. Obradoiros para nenos, proxección documentais 15M

Follow

Retómanse os puntos da orde do día a anterior Asemblea que quedaron sen pechar e engádense puntos novos. Deste xeito os puntos tratados foron os seguintes:

1.- Recollida de roupas e alimentos.
2.- Finanzamento dos actos do segundo aniversario.
3.- Charla sobre os desafiuzos.
4.- Campaña Stop Nepotismo.
5.- Manifestación en Madrid para o 23 de febreiro.
6.- Manifestación Stop Desafiuzos do día 16 de febreiro.
7.- Difusión das accións de AAO para vindeiro mes.
8.- Rogos e preguntas.

1.- Sobre este punto se informa de que aínda non se teñen feito contactos para conseguir local que serva de almacén para a recollida. Miguel propón falar coa Cruz Vermella por si ceden o local para tal efecto. Acéptase a proposta e se comprometen Miguel e Oscar a facer ese contacto.

2.- Finanzamento e organización do aniversario:
Hai consenso en que para a próxima asemblea, as persoas encargadas de cada unha das conferencias traian pechado o custe aproximado de cada unha delas así como completos os datos que faltan como nomes dos poñentes e títulos das ponencias
– A ponencia de Rosa María Calaf (que virá o día 8 de maio e non 18 como figura na acta anterior) pecharana Nolas e Laura.
– A do día 15 de Finanzas Éticas, Roberto
– A de Xan ¿? Sobre cooperativismo, Noela
Sobre o local todas coincidimos en que sería ideal dispor da sala de abaixo do Liceo e pensamos que Martiño sería a persoa ideal para negociar este asunto. Tamén se barallou o solicitar a sala pequena do Auditorio, xa que case todas coincidimos en que un Aula na Universidade non sería o máis axeitado.
Respecto ao finanzamento se fixo un cálculo aproximado de 600 €. Para conseguilos propuxéronse varias ideas que para levalas adiante compre que alguén se faga cargo delas:
– Deseñar uns marcapáxinas que se venderían por 1 ou 2 €.
– Oscar prón facer postais coas súas fotografías ou fotografías de quen quera cedelas para vendelas por un módico prezo.
– Oscar tamén propón facer unha exposición de fotografía, os beneficios recadados, serían para finanzarnos.
– Deseñar un logo para bolsas de nylon tipo mochilas (saen baratas) e falar con Dani Conde para que as encargara a empresa que serigafiou as camisetas.
– Organizar un concerto benéfico. Para isto Miguel se encargaría de falar cunha sala da cidade e Mari Jose e Montse cos da Auriense e logo valorar o local en función dos grupos que puidésemos contactar.
– Respecto dos petos Celine se encarga de falar con Esther para o tema das pegatas que levarían para identificalos.

4.- Campaña Stop Nepotismo: Quédase para o luns día 4 ás cinco da tarde fronte os xulgados para ler o manifesto que sería reelaborado por Martiño e facer a performance de Caza Corruptos (conviría estar un pouco antes para vestirnos). A acción difundirase mediante un evento creado dende a páxina de AAO, mediante un mail que Oscar enviaría á prensa e mediante unha volandeira que habería que ter feita e impresa para a próxima Asemblea, elaboraríaa Martiño que si non pode ir a facer as copias, diríao con antelación para algún de nós se encargase de recollelas.

5.- Manifestación en Madrid para o día 23. Encárgase Miguel de pórse en contacto coa xente de Redondela que fretou os autobuses para acción de Rodea el Congreso e dar difusión á convocatoria.

6.- Manifestación de Stop Desafiuzos en toda Galicia. Hai consenso en que AAO convoque en Ourense esta manifestación para o día 16 de febreiro ás 19h con saída da Alameda e co seguinte percorrido: Alameda, rúa de Pontevedra, rúa Valentín Lamas Carvajal e rúa do Paseo, para finalizar fronte a Subdelegación onde se lería o manifesto (que será unitario para toda Galicia). Haberá unha quedada o venres 15 na Praza para facer a pancarta (as letras faríanse en airon fix coa colaboración de Esther) e dos cartaces encargaríase Roberto.

7.- Difusión das accións da AAO para o vindeiro mes:
Decidiuse que se fará un cartaz convocando ás accións que apoia a asemblea:
– Campaña Stop Nepotismo, para o día 4
– Manifestación Stop Desafiuzos, para o día 16
– Manifestación do 23 F en Madrid.
(contamos coa colaboración de Martiño)

8.- Rogos e preguntas: Celine roga que se respecte a decisión da asemblea de non colgar no muro de Acampada Ourense Debate informacións de sindicatos e partidos. Isto causou incomodo nalgún asistente da asemblea, polo que se ve necesario o retomar o tema para debatelo novamente.

Follow

ORDE DO DÍA
1. Hortas urbanas: Bernardino e Miguel informarán.
2. Recollida de roupa e alimentos: Óscar e Miguel informarán.
3. Finanzamento das actividades da asemblea. Ideas para novas fontes de finanzamento.
4. II Aniversario 15M: revisión calendario charlas, loxística das charlas. Accións para o propio 15 de maio.
5. Nova charla sobre STOP DESAFIUZAMENTOS. Valoración da concentración e información sobre novas accións.
6. PLATAFORMA POLA BANCA PÚBLICA. Informe da xuntanza en Compostela.
7. Retomar campaña STOP NEPOTISMO.
8. Celi: manifestación Marea Cidadá 23 febreiro
9. Montse: Manifestación Queremos Galego 27 de xaneiro

ACORDOS:
1- Bernardino propón ponher unhas hortas públicas no solares abandonados. Propón ponherse en contacto co Concello de Ourense pero sin resposta todavía. Proponse falar con Amigos da Terra, e como non está o propio Bernardino, o punto queda para tratar na próxima Asemblea. Proponse que Bernardino leve a iniciativa, xa que el conhece mellor o tema.

2- Proposta de recollida de comida e roupa. Proponse botar un ollo ó local de Senuncán. Pendente de proposta por falta de decisión final.

3- Financiamento do tema das charlas de Maio. Non cobran polo momento ningún dos asistentes, pero ténhense que afrontar pagos como viaxes en tren, cartelería… Fálase do tema das chapas do 15M. Fálase de intentar vender chapas cando se piden firmas da ILP de Dación en Pago, aproveitando que a xente para. Proponse ponher petos para os bares e facerse cargo delas. Fálase do financiamento común para todo o que se busca facer.
Proponse ponherlle ós petos uns simbolos do 15M. Gusta esta idea. Fálase de ponher os petos tamén nas charlas, e tócase o tema do “croufounding”, e como exemplo, fálase de VERKAMI.
Hai que facer un orzamento previo para as charlas e presentalo para levar a cabo a páxina de “croufounding”, e chégase a un consenso dos presentes. Fálase da idea de voluntarios.
Fálase dos topes de data para levar todo esto a cabo, comenzando en febreiro para finalizalo en marzo-abril, e todo comprado para maio. Fálase de facer concertos con grupos conhecidos.
Cristina di conhecer a un grupo (Hora Meiga), e propón facerse cargo de avisalos.
Proposta de concerto para maio.
Proposta de falar co Auriense para o local do concerto.
Proposta de falar cun grupo de pandereteiras.

4- Revisión do calendario das charlas para o Aniversario do 15M.
18 MAIO – Rosa María Calaf
15 MAIO – Ramón (COP57) (Posiblemente 16 MAIO)
Mirar os locais para saber ben os tempos e datas, así como tamén saber os títulos das charlas e a finalidade de cada unha delas. Tamén se fala do que necesitará cada un dos ponhentes das charlas.
2 MAIO – Xan (Cooperativismo e consumo responsable) (Saber nome completo e título da súa charla).
(nota fora da acta: faltou fixar a data da de soberanía alimentar)
Fálase da loxística, de saber moi ben os detalles como son o local onde se darán as charlas, e máis detalles, pero déixase para tratalo na seguinte asemblea.
Fálase de comentarlle ó conserxe acerca das charlas, os horarios e demáis para non fastidialo por se ten que facer horas extras (que non cobrará no mellor dos casos).
Fálase de alicientes para que a xente se quede na praza maior como son cartóns para sentarse cun símbolo do 15M (proponse facer coxíns, pero é difícil por falta de fondos).
Avísarase de tarefas para cada persoa, para repartilas, na páxina de Facebook.

5- Proponse a charla de Stop Desafiuzamentos.
Óscar ponse como voluntario para repensar a data e o local, tendo en conta a climatoloxía.
Fálase da valoración das concentracións e novas accións que se pretenden facer.
Proposta de Martinho para conformar Stop Desafiuzamentos e facelo público mediante rolda de prensa.

6- Banca Pública. Próxima reunión en Compostela. Roberto comenta e resume o traballo feito ata o de agora neste campo. Fálase con xente conhecedora do tema (profesores, ex-directivos, denunciantes, abogados, Attack…). Falouse de puntos como o da auditoría das entidades bancarias ata chegar ó Banco de España. Fálase dos afectados e de conseguir máis teléfonos e máis datos deles para facer unha reunión, facer un listado de todos eles. Reunión o 19 de xaneiro para tratar o tema da Caixa Rural Galega.
14 de febreiro – Plataforma Banca Pública, na Universidade de Santiago de Compostela, na Facultade de Económicas.
19 de xaneiro, en Santiago de Compostela, reunión para crear un nodo galego da auditoría da debeda na que estamos a traballar e na que figuramos como un nodo en ourense.

7- Stop Nepotismo. Campanha contra a corrupción en Ourense.
Encausamento de Baltar pola xustiza.
Beatriz conta o caso persoal do seu emprego na Diputación de Ourense, previo paso polo despacho de Baltar pai.
Recórdase o manifesto, campanha e performance cun grupo de persoas que se fixo no seu día diante da Diputación de Ourense.
O luns 4 de febreiro, pénsase en facer unha lectura de manifesto e publicitalo cunha chamada ós medios de comunicación, así como o resto da acción da plataforma.
Retomar a mesma acción diante dos xulgados, ás 5 da tarde (hora de entrada de Baltar a declarar).
Este tema déixase para a próxima asemblea, para tratalo máis profundamente.